Allahın ipindən yapışmaq

Allahın ipindən yapışmaq

02 Noyabr 2023 - 06:42

307

Allah “Ey iman gətirənlər” deməklə insanları onun haqq və sevgi yolu olan ipindən yapışmağa, təqva, sülh və dostluğa çatmağa dəvət edir.

Allahın ipindən yapışmaq insanlara nəfsani istəklərin, daxili və xarici şeytanların vəsvəsələri ilə insanların qulağına pıçıldadığı müxtəlif yollara getməmələrini bildirir, çünki doğru olmayan hər şey batildir.

Rəsulullah (s) Quranı Allahın ipinə bənzətdi. Quran Uca Allahın (s) ipidir, yerlə göy arasındakı müqəddəs bağdır. İpin bir ucu aləmlərin Rəbbinin, o biri ucu isə Quran oxuyanın əlindədir. İnsan Qurandan yapışdığı zaman əslində Rəbbinə yapışmış olur. İpin ən mühüm funksiyası iki şeyi bir-birinə bağlamaq və onların qırılmasının qarşısını almaqdır.

"Ali-İmran" surəsi 102-103-cü ayələr: "Ey iman gətirənlər! Allahdan layiqincə qorxun. Yalnız müsəlman olduğunuz halda (müsəlman kimi) ölün!".

"Hamılıqla Allahın ipinə (dininə, Qurana) möhkəm sarılın və (firqələrə bölünüb bir-birinizdən) ayrılmayın! Allahın sizə verdiyi nemətini xatırlayın ki, siz bir-birinizə düşmən ikən O sizin qəlblərinizi (İslam ilə) birləşdirdi və Onun neməti sayəsində bir-birinizlə qardaş oldunuz. Siz oddan olan bir uçurumun kənarında ikən O sizi oradan xilas etdi. Allah Öz ayələrini sizin üçün bu şəkildə aydınlaşdırır ki, haqq yola yönəlmiş olasınız!"

Allah bu ayədə möminlərə xitab edərək, hikmət və moizələrini belə izah edir:

Əvvəla, Allahdan Onun böyüklük, qüdrət, cəlal və camal adlarının tələb etdiyi qədər qorxun. Odur ki, Allahın istəyini və iradəsini yerinə yetirmək üçün əlinizdən gələni edin və səhlənkarlıq etməyin.

İkincisi, mümkün qədər tez tələsmək və Allahın razılığını qazanmaq və Ona təslim olmaq lazımdır. Müsəlman olmağın həqiqəti və mahiyyəti budur, çünki dünya dönməkdə davam edir və bu, fəna mərhələsinə çatmaq üçün qızıl fürsətdir.

Bundan əlavə, ayə iman əhlinə xitab edərək onları Allahın sarsılmaz, sevgi yolundan möhkəm yapışmağa, anlaşma, sülh, dostluq və ittifaqda birləşməyə təşviq edir. Onlara dünyəvi istəklərdən daxili və ümumbəşəri pis niyyətlərin pıçıldadığı müxtəlif yollardan çəkinmələrini bildirir. Çünki vəhdət ancaq haqqın kölgəsində olar, haqsızlığın batil yolları isə saysız-hesabsız istiqamətlərə bölünür və insanların birliyə, barışığa, sülhə, dostluğa nail olmasına mane olur.

Bu, oğruların, talançıların və təcavüzkarların maraqları kəsişmədikcə əsla dost ola bilməyəcəyi vəziyyətə bənzəyir.

Nəticə olaraq insanlara Allahın nemətlərini xatırladaraq onların iman gətirməzdən əvvəl qəlblərinin parçalandığı və bir-birini düşmən gördükləri ifadə edilir. İman neməti və ortaq məxrəcin kəşf olunması ilə qəlblərin bir-birinə isindiyi düşmən yox, qardaş olduqları bildirilir. Onlar təhlükəli uçurumun, müharibənin və düşmənçiliyin kənarında olduqları halda, Allahın lütfü onları bu uçuruma düşməkdən xilas edir.

Elə isə görün ki, Allah Öz hikmət və məhəbbətinin əlamətlərini necə açıb göstərir ki, insan hidayətə və səadətə nail olsun.

Ustad Muhyiddin İlahi Qumşeinin “Quranla 365 gün söhbət” kitabından bir parçadır.

mənbə: iqna

Xəbər lenti

Anonymous Kobaxidzeyə: “ Etirazçılara hücum etməyə davam etsəniz, hökumət saytlarına hücum etməklə cavab verəcəyik“
2024-05-07 15:00

Vəliəhd Salmana sui-qəsd: ölənlər var
2024-05-07 12:48

Bu gün Tbilisidə növbəti etiraz aksiyası baş tutacaq
2024-05-07 12:41

Avtomobillə çaya düşən üç yeniyetmədən daha birinin meyiti tapıldı
2024-05-07 12:37

Qudauri (post)-Kobi hissəsində nəqliyyatın hərəkəti qadağan edilib
2024-05-07 12:35

İslam fiziki gözəlliyə, ədəb-ərkana dəyər verir
2024-05-07 12:07

Mülki əhali İsrail ordusunun nəzarətə götürdüyü Rəfahı tərk edir - VİDEO
2024-05-07 12:04

Gürcüstanın yeni qanunu münasibətlərimizə xələl gətirəcək
2024-05-07 10:58