Şirkin əlamətləri

Şirkin əlamətləri

26 Oktyabr 2023 - 07:27

284

Quranda qeyd olunan əlamətlərlə şirki müəyyən etmək mümkündür.

Quranda şirk təxminən 200 dəfə “Dunəllah” və “Dunəhu” – Allahdan qeyrisi mənasını verən kəlmələrlə xatırlanır. Əgər şirk üçün həm düzgün, həm də Qurani-Kərimdən bir işarə tapmaq istəyiriksə, bu söz çox uyğundur. Bəli, Allahdan qeyrisinə gedənlərin, Allahdan başqasından izzət axtaranların, Allahdan qeyrisinin qanununu həyata keçirənlərin və Ondan qeyrisini sevənlərin məqsədi başqalarının razılığıdır. Allahdan başqasından qorxub, Ondan qeyrisi üçün çalışırlar .

Psixologiyanın mühüm məsələlərindən biri komplekslərin kökünü araşdırmaq və qarşısını almaqdır. Tövhid dairəsinə daxil olan, düşüncələri və hərəkətləri Allah üçün olan insanın nəzərində artıq heç bir məğlubiyyət yoxdur ki, reaksiya göstərsin və psixoloji partlayış yaşasın.

Allah üçün addım atan insanın işinin müştərisi Allahdır (Tövbə, 111) Sözünü eşidir, işini görür, Allahdan başqası ilə işi yoxdur, Allahdan başqasından heç bir gözləntisi yoxdur.

Filankəsin işində uğurlu olub-olmadığını, uğursuz olub-olmadığını deyirik, yaxud psixologiyada belə bir fikir irəli sürülür ki, müəyyən hərəkatdakı uğursuzluq müəyyən kompleksə səbəb olur, bu uğur və uğursuzluqlar tövhidin əhatə dairəsindən kənarda qalır. Çünki tövhid çevrəsində heç bir uğursuzluq yoxdur. Çünki Peyğəmbər (s) çobanlıq etdiyi və ya Məkkədən Mədinəyə getdiyi, ya dağlara sığındığı zamanda, ya müharibələrdə, yaxud minbərdə, yaxud tavaf edərkən, istər təkbaşına, istərsə də camaat arasında olsun, bunların heç biri Peyğəmbərin ruhuna fərq qoymur. Bəli, ləzzətlər deyil, məsuliyyətlər fərqlidir. İşimizi, hətta paltarımızı və ya iş masamızı, ofisimizi və yaşayış yerimizi dəyişmək istəsələr, kədərdən intihar sərhədinə keçəcəyik, çünki bütün bunlar bizim üçün bir növ əsas olub, daha doğrusu bütlər olmuşdur.

Müşriklərin sayı

Şirk geniş mənası ilə, bir az diqqət etsək görərik ki, ixlaslı insanlar azdır, ixlaslılar Allahı əməllərinin mərkəzinə çevirənlər, Ondan başqa heç nəyə şükür etmək və ya cəzalandırmaq istəməyənlərdir. Onlar riyakar deyillər və Allahın qanunlarına təslim olublar və qeyri ilahi qanunları bəyan etmirlər. Quran buyurur: “Onların əksəriyyəti ancaq şərik qoşaraq Allaha inanarlar. (Allaha təklikdə deyil, Ona qoşduqları şəriklər-bütlər və tanrılarla birlikdə ibadət edərlər)” (Yusif, 106).

Möhsin Qəraəti tərəfindən yazılmış "Əqidə prinsipləri (Tövhid)" kitabından götürülmüşdür.

mənbə: iqna

Xəbər lenti

“Aİ-yə namizəd [ölkə] Kremlin marioneti kimi idarə oluna bilməz”
2024-05-07 19:49

Güclü yağışlar Gürcüstanda ciddi problemlər yaradıb
2024-05-07 19:43

Gürcüstanın Aİ-yə namizədlik statusunun dayandırılması üçün Borellə müraciət edilib
2024-05-07 19:36

Anonymous Kobaxidzeyə: “ Etirazçılara hücum etməyə davam etsəniz, hökumət saytlarına hücum etməklə cavab verəcəyik“
2024-05-07 15:00

Vəliəhd Salmana sui-qəsd: ölənlər var
2024-05-07 12:48

Bu gün Tbilisidə növbəti etiraz aksiyası baş tutacaq
2024-05-07 12:41

Avtomobillə çaya düşən üç yeniyetmədən daha birinin meyiti tapıldı
2024-05-07 12:37

Qudauri (post)-Kobi hissəsində nəqliyyatın hərəkəti qadağan edilib
2024-05-07 12:35

İslam fiziki gözəlliyə, ədəb-ərkana dəyər verir
2024-05-07 12:07