Bu gündən etibarən sürücülük vəsiqəsi imtahanlarında bir sıra dəyişikliklər qüvvəyə minir

Bu gündən etibarən sürücülük vəsiqəsi imtahanlarında bir sıra dəyişikliklər qüvvəyə minir

01 Sentyabr 2023 - 06:49

397

Sentyabrın 1-dən nəqliyyat vasitəsini idarə etmək hüququ üzrə praktiki sınaq imtahanının ikinci mərhələsinin ixtisas tələblərinə nəqliyyat vasitəsinin texniki səmərəliliyi ilə bağlı suallar əlavə olunacaq. Bu suallar Daxili İşlər Nazirinin 598 saylı əmri ilə təsdiq edilir.

Bu barədə Daxili İşlər Nazirliyinin xidmət agentliyindən məlumat verilib.

Məlumata görə, “B” kateqoriyalı avtonəqliyyat vasitəsini idarə etmək hüququ üzrə qəbul imtahanı üçün 20 sual müəyyən edilib ki, bu iyirmi sualdan sürücü namizədinə 2 tapşırıq veriləcək. İmtahanda iştirak edən şəxs sualları əyani şəkildə göstərməklə və ya şifahi/sərbəst izahat yolu ilə cavablandıra biləcək.

Yuxarıda qeyd olunan dəyişikliyə əlavə olaraq, bu il sentyabrın 1-dən “C” və “D” kateqoriyalı, “C1” və “D1” alt kateqoriyalı avtonəqliyyat vasitələri üçün sürücülük vəsiqəsi üzrə imtahanın praktiki hissəsi iki mərhələli olacaq.

“Daxili İşlər Nazirliyinin Xidmət Agentliyi Gürcüstanın Avropa İttifaqı ilə Assosiasiya Sazişindən irəli gələn öhdəlikləri yerinə yetirməkdə davam edir və Gürcüstanın “Yol hərəkəti haqqında” Qanununa edilmiş dəyişikliklərə uyğun olaraq, sentyabrın 1-dən etibarən “C” və “D” kateqoriyalı və “C1” və “D1” alt kateqoriyalarına aid olan nəqliyyat vasitəsini idarə etmək hüququ üzrə qəbul imtahanının praktiki hissəsi iki mərhələyə bölünür. Dəyişikliyə əsasən, sürücü namizədi praktiki sınaq imtahanının (sahə) birinci mərhələsindən uğurla keçdikdən sonra real yol şəraitində sınaq imtahanından keçməyi nəzərdə tutan ikinci mərhələyə keçəcək”, - deyə xidmət agentliyindən bildirilib.

Xatırladaq ki, 25 aprel 2022-ci il tarixindən etibarən “B” və “BE” kateqoriyalı nəqliyyat vasitəsini idarə etmək hüququ üzrə praktiki sınaq imtahanları iki mərhələli olub.

mənbə: interpress

Xəbər lenti

Daxili İşlər Nazirliyində təcili brifinq təyin edildi
2024-05-02 00:12

Zurabişvilidən etirazçılara: Bundan əl çəkin!
2024-05-02 00:11

Etirazçıların bir hissəsi Ədliyyə Evi yaxınlığındakı yolu bağlayıb
2024-05-02 00:02

Tbilisidə güllə səsləri: Yaralanan var - VİDEO
2024-05-01 23:51

Parlament yaxınlığında aksiya iştirakçılarına qarşı rezin güllələrdən və gözyaşardıcı qazdan istifadə edilib
2024-05-01 22:44

Mitinq iştirakçılarının bir hissəsi parlamentin qapısını sındırmağa cəhd edib
2024-05-01 22:14

Kaladze Gürcüstan müxalifətinə səsləndi: “Heç kimə sabitliyi pozmağa imkan verməyəcəyik”
2024-05-01 20:09

Gürcüstanın hakim partiyası etirazlara rəğmən xarici agentlər haqqında qanunu qəbul etmək niyyətindədir
2024-05-01 20:05

“Sanki dostumuzu itiririk” – Avropa İttifaqında Gürcüstan hakimiyyətini tənqid edirlər
2024-05-01 19:59

Xabeişvili polisə müqavimət göstərib, bu zaman xəsarət alıb
2024-05-01 19:55