Şeytanın vəfalı davamçıları

Şeytanın vəfalı davamçıları

16 Avqust 2023 - 06:16

318

İmam Əlinin (ə) həyatının əsasları Quran əmrlərinə və Peyğəmbərin (s) sünnəsinə əsaslanırdı. İctimai fəaliyyət və cəmiyyətlə iş sahəsində o həzrətin münasibətləri ilahi əmrlər və Peyğəmbərin (s) sünnəsi əsasında qurulmuşdu. Bu da insanlar üçün mükəmməl bir nümunə sayıla bilər.

Nəhcül-bəlağə üzrə tədqiqatçı Baxşəli Qənbəri sosial əxlaqı Nəhcül-bəlağənin nəzərindən tədqiq etmişdir. Onun on üçüncü hissəsi “Təkəbbürdən uzaq olmaq” haqqındadır:

"Qasiə" xütbəsi kimi tanınan Nəhcül-bəlağənin 192-ci xütbəsi Nəhcül-bəlağənin ən uzun xütbəsidir. Nəhcül-bəlağənin 239-dan 241-ə qədər olan xütbələrinin heç biri onun qədər uzun deyil. Bu xütbənin maraqlı hekayəsi var. Əmirəl-möminin Əli (ə) Kufədə bu xütbəni söylədi.

Həzrət Əliyə (ə) xəbər çatır ki, qəbilə əhli bir-birinə qarşı fəxr edirlər. Bu deyir ki, mənim əcdadlarım belədir, oda deyir ki, əcdadlarım elədir. Biri deyir ki, var-dövlətim çoxdur, o biri deyir ki, mənim var-dövlətim daha çoxdur. Bu, ona, o da buna, təkəbbürlük edir. İş o yerə çatır ki, Əli (ə) müəzzinə deyir ki, məscidə get və azan oxu. O zaman azan iki formada idi; Bir dəfə namaza görə, bir dəfə də mühüm işə görə azan oxunurdu. Müəzzin də azan deyir, insanlar toplaşır. O həzrət də əvvəldən axıra qədər təkəbbür və lovğalıqla mübarizə aparmaq barədə olan bu xütbəni söyləyir.

Təkəbbür, özümüzü başqalarından üstün hesab etməyimizdir. Məsələn, mən müəlliməm və həmkarlarımla müqayisədə özümü başqalarından üstün hesab edirəm. Bu, təkəbbürdür. Unutmayın ki, təkəbbür başqaları ilə müqayisədə daxilən özünü bəyənməyin nəticəsidir.

İmam Əli (ə) təkəbbür üçün müxtəlif səbəb və amilləri qeyd edir. Lakin səbəb və amilləri izah etməsindən asılı olmayaraq, bu xütbədə buyurur; Təkəbbür edənlər, şübhəsiz ki, şeytanın tərəfdarlarıdırlar. Çünki şeytan öz yaradılışı ilə fəxr edir və Quran ayələrinə əsasən, palçıqdan yaradılmış bir insanın qarşısında səcdə etməkdən imtina edirdi. Bu səbəbdən də, özünü olduqlarından uca tutanlar, nəfsi sındırıb təvazökarlıq etməyənlər istəsələr də, istəməsələr də, bilsələr də, bilməsələr də qovulmuş şeytanın vəfalı ardıcıllarıdır.

Bu səbəbdən, Əli (ə) bu xütbədə vurğulayır və buyurur; Təkəbbürün mənbəyi, təşəbbüskarı və başlanğıc nöqtəsi şeytandır. Təkəbbürlü və dünyada ilk öyünən şeytandır. Əli (ə) buyurur: "Şeytan Adəmi torpaqdan yaranmasına görə özü ilə fəxr etdi. Özünün oddan yaranması ilə məğrur oldu. Deməli, şeytan Allahın düşməni, təəssübkeşlərin rəhbəri və təkəbbürlü olanların başçısıdır". Buna görə də şeytanın vəziyyəti belədir. Şeytanın ardınca gedən bir şəxsin xüsusiyyətlərindən biri də təkəbbür və lovğalıqdır".

Mənbə: İqna

Xəbər lenti

Gürcüstanda dövlət çevrilişi hazırlayır?
2024-05-04 20:31

Ağır yol qəzasında bir nəfər ölüb, yeddi nəfər yaralanıb
2024-05-04 20:27

Prezident İvanişvilinin gürcü xalqına və səfirlərə qarşı bəyanatını "təxribatçı" adlandırıb
2024-05-04 19:08

Mikroavtobusla minik avtomobili toqquşub - Yaralılar var
2024-05-04 17:18

Ağır yol qəzasında 4 nəfər yaralandı
2024-05-04 16:50

Prezident Aİ-yə üzv ölkələrin Gürcüstandakı səfirləri ilə görüşüb
2024-05-04 14:32

Baş nazir Asiya İnkişaf Bankının prezidenti ilə görüşüb
2024-05-04 13:50

Bəzi “WhatsApp” istifadəçiləri bloklanacaqlar
2024-05-04 12:47

Orqanizmi xərçəngdən qoruyan VİTAMİN
2024-05-04 12:36

Aİ Şurasının prezidenti ilə Gürcüstanın baş naziri arasında telefon danışığı olub
2024-05-04 12:15