Azərbaycanın quru sərhədləri açıla bilər

Azərbaycanın quru sərhədləri açıla bilər

28 Mart 2023 - 07:10

134640

Bu gündən Azərbaycanda xüsusi karantin rejimi ilə bağlı bir sıra tələblər aradan qaldırılıb.

Bu barədə qərarı Azərbaycanın Baş naziri Əli Əsədov imzalayıb.

Ləğv edilən qadağalar arasında toy və şənliklər, o cümlədən iri ticarət mərkəzləri ilə bağlı tələblər də var.

Azərbaycan ərazisində xüsusi karantin rejimi 2023-cü il mayın 1-də başa çatır. Xüsusi karantin rejiminin bitməsinə bir aydan bir qədər çox müddət qalmasını nəzərə alsaq növbəti mərhələdə quru sərhədlərlə bağlı qərarın qəbul edilməsi maraqla gözlənilir.

Sosial şəbəkələrdə müzakirələr zamanı mayın 1-də quru sərhədlərin açılmasından bəhs edilir.

Deputat Vüqar Bayramov açıqlamasında bildirib ki, Azərbaycanın quru sərhədlərinin açılması hazırda müzakirə edilən məsələlərdəndir: "Nəzərə almaq lazımdır ki, quru sərhədlərin bağlanması pandemiya ilə əlaqədar olub. Hazırda xüsusi karantin rejimi ilə əlaqədar bir çox məhdudiyyətlər aradan qaldırılıb. Təklif edirik ki, Operativ Qərargah qonşu ölkələrdəki epidemioloji vəziyyətə uyğun olaraq quru sərhədlərin mərhələli şəkildə açılması ilə bağlı qərar qəbul etsin.
Hazırda bir sıra ölkələrdə, o cümlədən qardaş Türkiyə və qonşu Gürcüstanda praktik olaraq epidemioloji vəziyyət nəzarət ediləcək həddədir. Azərbaycanın Türkiyə ilə quru sərhədi açıqdır. Lakin Naxçıvanda qeydiyyatda olan vətəndaşlarımız Türkiyəyə gedə bilirlər.

Təklifimiz budur ki, Türkiyə və Gürcüstanla quru sərhədlər qısa zaman kəsiyində açılsın. Daha sonra digər qonşu ölkələrdə epidemioloji vəziyyətə uyğun olaraq həmin ölkələrlə quru sərhədlərin açılması müzakirə edilə bilər. Hazırda Türkiyə və Gürcüstanla Azərbaycanın strateji əlaqələri və yoluxma sayları nəzərə alınmaqla quru sərhədlərin açılması məqsədəuyğun ola bilər".

mənbə: interpress

Xəbər lenti

Bu gün “rus qanunu”na qarşı növbəti aksiya baş tutacaq
2024-05-05 18:56

Qəhrəmanlar meydanında saxlanılanlardan bəziləri həbsxananı tərk edib
2024-05-05 18:53

Avtomobillə çaya düşən üç yeniyetmədən birinin meyiti tapıldı
2024-05-05 18:49

Qərb və ABŞ təzyiq göstərərək Gürcüstanı öz oyuncağına çevirmək istəyirlər
2024-05-05 15:18

Asiya İnkişaf Bankının prezidenti: Regional mərkəzin yaradılmasında Gürcüstanı dəstəkləyirik
2024-05-05 15:14

ABŞ Əl Qaidə lideri əvəzinə çobanı vurdu
2024-05-05 13:41

Bu gün Pasxa bayramıdır
2024-05-05 12:53

Ağır yol qəzası nəticəsində 4 yaşlı uşaq həyatını itirdi
2024-05-05 12:39

Ölkədə yağmurlu hava nə vaxta kimi davam edəcək?
2024-05-05 12:23

Zurabişvili hökumətə qarşı: AB ölkələrindən bunu xahiş etdi
2024-05-05 12:04