Qurandan hər kəsə örnək olacaq gözəl ədəb ayəsi

Qurandan hər kəsə örnək olacaq gözəl ədəb ayəsi

06 Iyun 2022 - 06:35

134663

Quran Allah təalanın hikmət dolu bir kitabıdır. Mütəal Allah Quranı Hz. Cəbrail vasitəsi ilə Öz peyğəmbərinə (s) nazil etmişdir. Bu kitab hər cür xəta və müdaxilədən uzaqdır:

Çünki onu (sənin qəlbində) cəm etmək, (dilində) oxutmaq Bizə aiddir.

Biz onu (Cəbrailin dili ilə) oxutduğumuz zaman oxunmasını diqqətlə dinlə.

Sonra onu (sənə) bəyan etmək də Bizə aiddir! (Qiyamət 17-19)

Quran insanları Allah barəsində düzgün etiqada, qeyb aləminə inama, insanlarla ədalətlə davranmağa və bu kimi müxtəlif mətləblərə inama və diqqətə çağırır.

Əxlaq və ədəb də Quranın önəm verdiyi əsas məsələlərdəndir. Ədəb hətta etiqad qədər önəmlidir. Quranın öyrətdiyi ədəb və əxlaq nümunələrindən biri də evə daxil olmaq ədəbidir. Fərq etməz bu ev öz evin olsun, yaxud başqasının evi.

Quran buyurur:

Ey iman gətirənlər! Başqalarının evlərinə sahiblərindən icazə almadan və onlara salam vermədən girməyin. Bu, (ədəb-ərkan baxımından) sizin üçün daha yaxşıdır. Bəlkə, (Allahın bu əmrinin hikmətini) düşünüb anlayasınız. (Nur- 27)

Nur təfsirində qeyd olunan ayənin işarə etdiyi və çatdırmaq istədiyi mətləblərə toxunaraq buyrulur:

Ayədə bir neçə mətləbin əhəmiyyətinə işarə edilir ki, gərək diqqət olunsun:

1- İmana. İmanlı olmağa. Ey əhli iman öz ömrünüzdə, həyatınızda vəhy göstərişlərinə əməl edin.

2- Hər bir evin əmniyyət və sərbəstliyinə gərək diqqət edilsin (xəbərsiz girməklə digər evin əmniyyətini pozmayın).

3- Töhmət gətirən işlərdən uzaq olun (bu əməl sizə töhmət gətirə bilər).

4- Qapıların açıq olması istədiyiniz yerə girmək üçün sizə əsas vermir.

5- Hər bir kəsin mülkünün toxunulmaz olmasını (ümumiyyətlə mülkiyyət anlayışını) aşılayır.

6- Möminlərin digərləri ilə əməl və rəftarı insanlıq və sevgi üzrə olmalıdır (bu cür yaraşmaz hərəkət göz xəyanətinə və ya dava dalasi səbəb ola bilər).

7- Hicabı, həyanı aradan aparan hər əməldən uzaq olmağı öyrədir. (Ola bilsin ki, icazəsiz daxil olduğumuz yerdə həyanı aradan aparan bir səhnə ilə qarşılaşdıq, yaxud özümüzü və ya başqasını utandıracaq bir şey gördük).

(Təfsiri-Nur 6. Səh-168)

Qeyd olunan Quran ayəsini və verilmiş təfsiri ardıcıllığı diqqətlə oxuduqda bir şey hasil olur, bu da ədəb və həyadır. İnsan ayənin ümum ruhunu öz həyatında tətbiq edərsə həm öz həya və mənliyini, həm də başqalarının iffət və abrını gözləmiş olur.

Bunun üçün evlərə və həyətlərə daxil olarkən çağırıb icazə almağı və uca səslə salamlamağı unutmayaq.

mənbə: oxu24.com

Xəbər lenti

Gürcüstandakı hadisələrdə Rusiya izi yoxdur
2024-05-03 22:59

Tbilisidə “Şəffaflıq Qanunu”na qarşı aksiya keçirilir
2024-05-03 22:03

Salome Zurabişvili ölkədə baş verənlərlə bağlı Şarl Mişel ilə telefon danışığı aparıb
2024-05-03 20:43

Prezident ofşor qanununa veto qoydu
2024-05-03 19:49

Gürcüstan DİN: Ötən gün 23 etirazçı həbs olunub
2024-05-03 19:04

“ Mən Derek Şoleyə 2020-23-cü illərin iki inqilabi cəhdindən səmimi məyusluğumu bildirdim”
2024-05-03 18:56

4 may üçün xarici valyutanın rəsmi məzənnəsi
2024-05-03 18:38

Qori -Xaşuri yolunda qəza baş verib
2024-05-03 15:25

”Rus qanunları Gürcüstanda heç vaxt qəbul edilməyib və gələcəkdə də qəbul edilməyəcək“
2024-05-03 15:22