Gürcüstanda Azərbaycan dili müəllimlərinə ilk dəfə karyera artımı imkanı verilib

Gürcüstanda Azərbaycan dili müəllimlərinə ilk dəfə karyera artımı imkanı verilib

03 Fevral 2022 - 14:17

134559

Gürcüstanda azərbaycandilli məktəblərin təcrübəçi Azərbaycan dili və ədəbiyyatı müəllimləri üçün ilk dəfə olaraq karyera artımı imkanı yaradılıb.

Onlar imtahan verərək peşəkarlıq səviyyələrini yüksəldə biləcəklər.

Test imtahanından uğurla keçəcək müəllimlər baş müəllim statusu əldə edəcək və daha yüksək əməkhaqqı alacaqlar.

Gürcüstanın Qiymətləndirmə və İmtahanlar üzrə Milli Mərkəzindən (GQİMM) bildirilib ki, testlər artıq hazırdır və tapşırıqların hazırlanması prosesinə Azərbaycan tərəfi də cəlb olunub. Qeyd olunub ki, Azərbaycan tərəfi nəticələrin yoxlanılmasında da iştirak edə bilər. Testlərin mahiyyəti və komponentləri gürcü dili və ədəbiyyatı müəllimlərinin verdiyi imtahanlarla eynilik təşkil edəcək.

Bu ilin yayında keçiriləcək imtahanlardan sonra 700-ə yaxın Azərbaycan dili və ədəbiyyatı, erməni dili və ədəbiyyatı müəllmi peşəkar statuslarını artıra biləcəklər.

İmtahandan sonra müəllimlər peşəkar bacarıqlarını artırmaq üçün gürcü dilində 40 saatlıq kurs keçəcəklər. Gürcü dilini bilməyənlər üçün isə bu kurs dilin tədrisindən sonra təşkil olunacaq.

Qeyd edək ki, Gürcüstanda Azərbaycan dili və ədəbiyyatı müəllimlərinə indiyədək həmkarlarından fərqli olaraq baş müəllim statusu əldə etmək şansı təqdim edilməyib. GQİMM və Azərbaycanın Dövlət İmtahan Mərkəzi (DİM) arasında 2021-ci il üzrə yenilənmiş memorandumda qonşu ölkədə Azərbaycan dili və ədəbiyyatı müəllimləri üçün Müəllimlərin Peşə-ixtisas imtahanı üzrə sual bankının hazırlanması əsas istiqamətlərdən biri kimi müəyyən edilib.

mənbə: report

Xəbər lenti

“Gördüklərimizin şəffaflıqla heç bir əlaqəsi yoxdur”
2024-05-18 22:28

Etiraz aksiyasının davam etdiyi Tbilisidə Rusiya və “Gürcü Arzusu”nun bayraqları yandırıldı- VİDEO
2024-05-18 22:25

“Prezident Salome Zurabişvilinin şəffaflıq haqqında qanuna veto qoyması sonrakı müzakirələr üçün imkan yaradır”
2024-05-18 22:22

Qardabanidə bacısını qətlə yetirən şəxsə həbs cəzası verildi
2024-05-18 22:19

Parlament Zurabişvilinin qoyduğu vetonu ləğv edə bilər, amma...
2024-05-18 22:15

Zurabişvili xarici agentlər haqqında qanuna veto qoyub
2024-05-18 22:06

Öllkəyə və xalqa qarşı sanksiyalar tətbiq etmək yanaşması yanlışdır
2024-05-18 18:20

Bizimlə kim, hansı qüvvə danışır? - İnsanları zorlayan, öldürən, işgəncə verənlər!
2024-05-18 17:04

ABŞ Nümayəndələr Palatasının Xarici Əlaqələr Komitəsinin üzvü Gürcüstanda baş verən hadisələrə cavab olaraq qanun layihəsi təqdim etməyi planlaşdırır
2024-05-18 16:55

Rusiya Ukraynada yaşayış məntəqəsini ələ keçirdiyini açıqlayıb
2024-05-18 15:20