Hacı Şahindən depressiyadan xilas yolları: “Hər kəsin uğurlu adam olmaq imkanı var”

Hacı Şahindən depressiyadan xilas yolları: “Hər kəsin uğurlu adam olmaq imkanı var”

07 Dekabr 2021 - 11:40

134490

Ümumdünya Səhiyyə Təşkilatı dünyada təxminən 350 milyon insanın əhval pozuqluğundan əziyyət çəkdiyini açıqlayıb. Əhval pozğunluğu isə ümidsizliyə, depressiyaya aparır.

Bəs ümidsizlikdən xilas olmaq üçün hansı addımlar atılmalıdır? Ümidsizlik və kədərdən necə qurtulaq?

Məsələ ilə bağlı Məşədi Dadaş Məscidinin axundu, Qafqaz Müsəlmanları İdarəsinin nümayəndəsi Hacı Şahin Həsənli Bakupost.az-a danışıb:

“Gəncliyin ən gözəl xüsusiyyəti ruhunun təmizliyi və kamilliyə can atmasıdır. Bəzən bu müsbət xüsusiyyətə istiqamət verilmədikdə, gənclər həyatın reallıqlarını düzgün dəyərləndirə bilmir və ümidsizliyə qapılır. Məsələ burasındadır ki, yaşadığımız dövrdə mədəniyyətin əsasında həyata materialist yanaşma oturuşub. İnsanlara hər tərəfdən maddiyyatpərəstlik təlqin olunur. İstehlak kultu isə qısa zamanda zənginləşib daha çox maddi nemətlər əldə etməyi tələb edir. Nümunəvi cəmiyyət haqda illüziyalar formalaşdırılır. Həmin illüziyalar gənclərə reallıq kimi göstərilir. Gənclər də həmin nümunələrlə özlərini müqayisə edir, onlardan geri qaldığını görür və özünəinamı itirir. Ona görə də heç zaman özünü kiminləsə müqayisə etməməlisən. Özünü olduğun kimi tanımalı, müsbət və mənfi cəhətlərini müəyyən etməli, daha sonra öz üzərində çalışmalısan. Hər kəsin fərqli istedadı var, hər kəs də o istedada uyğun uğurlu yol seçə bilər. Heç kimin bizdən daha yaxşı durumda olduğuna qeyd-şərtsiz inanmaq olmaz”.

Hacı Şahin Həsənli bildirib ki, problemlər hər yerdə var, hər bir insanın problemləri də öz çəkisinə və tutumuna uyğundur:

“Məsələn, təhqiqatlar göstərir ki, zəngin ölkələrdə gənclər maddi nemətlərdən rahat istifadə edir, tez bezir və həyatdan ləzzət ala bilmir. Ona görə intihar statistikası zəngin ölkələrdə daha çoxdur. Yoxsul ölkələrdə isə az qazanc da xoşbəxtlik hissi bağışlayır, insanlar hər xırda uğuru böyük sayır, yaşamağa stimul əldə edirlər. Hər iki yol təhlükəlidir. Çünki hər ikisi də xoşbəxtliyi maddiyyatda görür. İçimizdəki mənəvi ehtiyacları kəşf etdikdə, o zaman həm maddi rifah üçün çalışar, həm də bu yolda əziyyət çəkməkdən ləzzət alarıq. Təəssüf ki, bu gün bütün dünyada qısa zamanda şöhrət və zənginlik əldə edən insanlar uğurlu və qəhrəman insanlar sayılırlar. Onların yalnız şöhrətin zirvəsində olduqları zamanlar qabardılır. Amma həmin adamların çoxunun qısa zamanda da unudulub mənəvi böhran keçirməsini heç kim təbliğ etmir. Ona görə bütün çətinliklərə sinə gərib xoşbəxt olan ilahi övliyaların nümunəsinə, Allaha aparan əbədiyyət yolununu yolçuları olan insan nümunələrinə ehtiyac var. İnsanların həyat prioritetləri dəyişməlidir”.

Hacı Şahin vurğulayıb ki, maddi zənginlik, və ya istənilən uğur üçün çalışmaq lazımdır, amma bunlar həyat amalına çevrilməməlidir:

“Dediyim bu fikir sırf əxlaq nəsihəti deyil, praktiki tövsiyədir. Gənclər nəticədən çox prosesdən zövq almalıdırlar. Belə olduqda uğursuzluğu uğura, enişi yüksəlişə çevirə bilərlər. İnsan güclü potensiala sahibdir. Bu potensialı reallaşdırmaq üçün cılız maddi məqsədlərlə məhdudlaşmamalıdır. Kiçik məqsədlərə çatmaq qısamüddətli başgicəlləndirməyə səbəb olur, zaman keçdikdən sonra isə bədbinlik, depressiya və ümidsizliyə çevrilir.

Dinimiz insanı yaradılmışların üstünü hesab edir. İnsana yüksək hədəflər müəyyən edir. İnsan əbədiyyət yolunun yolçusudur, qısamüddətli dünya həyatı isə əbədi xoşbəxtliyin müqəddiməsidir. İnsan çətinliklərlə inkişaf edir, ucalır və irəliyə doğru hərəkət edir. Çətinliklər həyatın ayrılmaz hissəsidir. Onlar olmazsa, həyat cazibəsini itirər və insan durğunluq halına düşə bilər. Bu isə insanın sonu deməkdir. Həyatı çətinlikləri ilə sevmək, hər bir çətinliyi inkişaf nərdivanının pilləsinə çevirməyi bacarmaq lazımdır. Gənclərimizə bunları anladan dünyagörüşü aşılanmalıdır”.

mənbə: oxu.az

Xəbər lenti

Aİ Gürcüstana 30 mln. avroluq yardım ayıracaq
2024-05-08 22:05

“Gürcü Arzusu” “təhdid və şantajla məşğul olan şəxslər”in bazasını yaradacaq
2024-05-08 20:33

Yuxarı Lars bağlandı: 600 yük maşını gözləyir
2024-05-08 19:41

Daxili İşlər Nazirliyində beynəlxalq polis tədbirləri ilə bağlı brifinq keçirilib
2024-05-08 19:35

9 may üçün xarici valyutanın rəsmi məzənnəsi
2024-05-08 19:25

İstanbul hava limanında təkəri açılmayan təyyarə gövdə üzərinə eniş edib - VİDEO
2024-05-08 16:51

Tbilisi meriyası Rustaveli prospektinin 1 aylıq bağlanması ilə bağlı məlumatı təsdiq etmir
2024-05-08 16:46

Prokurorluq iki nəfərə qarşı fiziki zorakılıq törədən şəxsə ittiham irəli sürüb
2024-05-08 16:40

“Avtoritarizm belə görünür - “Gürcü arzusu”na ayıb olsun”
2024-05-08 16:36

“Bəziləri özlərini Yupiter, Gürcüstan isə öküz hesab edirlər”
2024-05-08 15:14