Reklam yeri
Reklam yeri
Reklam yeri

Gürcüstan-Azərbaycan sərhədində külli miqdarda siqaret tutuldu

Gürcüstandan Azərbaycana külli miqdarda qanunsuz siqaret keçirilməsinin qarşısı alınıb. Dövlət Gömrük Komitəsindən SİA-ya verilən məlumata görə, Tovuz Gömrük İdarəsinin "Sınıq Körpü" gömrük postunun idxal nəzarəti zonasına Gürcüstan istiqamətindən daxil olan, Azərbaycan vətəndaşının idarə etdiyi "QAZ 24" markalı minik avtomobilinə gömrük baxışı keçirilib.

Yoxlama zamanı avtomobilin yük yeri ilə arxa oturacağının arasında xüsusi düzəldilən saxlanc yerindəki pərdənin arxasından gömrük nəzarətindən gizlədilən və Azərbaycanın aksiz markası ilə markalanmayan 8380 ədəd üzərində "Sakurorto" yazısı olan siqaretlər aşkar edilib.

Faktla bağlı araşdırma aparılır.

3 Oktyabr 2017, 13:00   
Digər xəbərlər
Xəbər xətti
© 2017 Xeber.ge