Xəbər.ge : Gürcüstan əhalisi marixuanaın leqallaşdırılmasına qarşı çıxıb

Gürcüstan əhalisinin əksəriyyəti marixuananın leqallaşdırılmasına qarşı çıxıb. FaktXəbər bildirir ki, bu nəticəni ABŞ-ın Milli-Demokratik İnstitutunun (NDI) ölkədə keçirdiyi sosioloji tədqiqat göstərib.

Məlumata görə, sorğuda iştirak edən respondentlərin 74 faizi marixuananın leqallaşdırılmasına qarşı çıxdığı halda, 18 faizi buna müsbət yanaşıb.

Qeyd edək ki, Gürcüstanın Konstitusiya Məhkəməsi iyulun 30-da müxalifət partiyası olan "Qirçi"nin deputatları Zurab Çaparidze və Vaxtanq Meqrelişvili marixuanın leqallaşdırılması ilə bağlı iddialarını təmin edib. Məhkəmə hesab edir ki, marixuana istifadəsi şəxsiyyətin azad inkişafı hüququ ilə qorunan sahədir və onun istifadəsi üçün müəyyən edilmiş məsuliyyət qanuni məqsədi qorumaq üçün qeyri-mütənasibdir və Gürcüstan Konstitusiyasının 16-cı maddəsinin tələblərinə ziddir.

Baxış sayı: 84