Reklam yeri
Reklam yeri
Reklam yeri

Aydın Hüseynov: Türkiyə-Gürcüstan-Azərbaycan XİN rəhbərlərinin görüşü regiona mühüm təsir göstərəcək

“Azərbaycanın Türkiyə və Gürcüstanla siyasi əlaqlərdən başqa, iqtisadi baxımdan da sıx əlaqələr mövcuddur”.

Bunu SalamNews-a Milli Məclisin deputatı Aydın Hüseynov sentyabrın əvvəllərində Azərbaycan-Türkiyə-Gürcüstan XİN rəhbələrinin Bakıda keçiriləcək görüşünü şərh edərkən deyib.

Deputatın fikrincə, növbəti görüş bu əlaqələri daha da sürətləndirəcək: “Türkiyə, Gürcüstan və Azərbaycan arasında mühüm dostluq əlaqələri var. Siyasi maraqlarımız qorunur. Bu görüş təkcə ölkələr arasındakı münasibətlərə deyil, həmçinin regiona da mühüm təsir göstərəcək”.

A.Hüseynov görüşlərdə Bakı-Tbilisi Qars layihəsinin müzakirə ediləcəyini bildirib və əlavə edib ki, bu dəmiryol xətti çox böyük bir iqtisadi layihənin tərkib hissəsidir: “Bakı-Tbilisi Qars Şərqlə-Qərb arasında ən böyük nəqliyyat qovşağıdır. Bu xətt çox böyük nəqliyyat qovşağının əsasını qoyacaq. Burada Azərbaycan-Türkiyə-Gürcüstan önəmli rol oynayacaq”.

Xatırladaq ki, sentyabrın əvvəllərində Azərbaycan-Türkiyə-Gürcüstan XİN rəhbərlərinin Bakıda görüşü keçiriləcək. 

29 Avqust 2017, 12:54   
Digər xəbərlər
Xəbər xətti
© 2017 Xeber.ge