Xəbər.ge : Paşinyanın "unikal" ordusu: Ermənistanda hərbçilər hərbi hissə hesabına qidalanmayacaq
Ermənistan SQ rəhbərliyi müqaviləli hərbi qulluqçuların ərzaq təminatı sahəsində qənaət etməyə qərara verib. 

 

Ordu.az xəbər verir ki, bu barədə “Sputnik Armenia” agentliyinə hərbi hissələrin birində qulluq edən adı açıqlanmayan mənbə məlumat verib. 

O bildirib ki, artıq bir neçə gündür müqaviləli hərbi qulluqçular hərbi hissə hesabına qidalana bilmirlər. Bu isə onların özləri ilə xidmət yerinə yemək gətirmələrindən başqa bir çıxış yolunun olmadığı deməkdir. 

Maraqlıdır ki, Ermənistan baş nazir Nikol Paşinyan əsgərlərə evdən ərzaq, geyim və digər əşyalar göndərilməsini qadağan edərkən, hərbi komandanlıq müqaviləli hərbi qulluqçuların ərzaq payını azaldır.

Mənbə bildirib ki, hərbi hissə komandanlığı döyüş növbətçiliyi həyata keçirməyən, texniki sahədə xidmət edən müqaviləli hərbi qulluqçuların qida ilə təmin olunmaması barədə "yuxarılardan" əmr alıb. Onlara şəxsi vəsaitləri hesabına qidalanma barədə təlimat veriblər. 

Onun sözlərinə görə, əgər həmin müqaviləli hərbi qulluqçular 110 min dram (390 AZN) aylıq məvacib almasaydılar, hər şey yaxşı ola bilərdi. 

"Xidmət ərzində qidalanmaq üçün ay ərzində təqribən 20 min dram (70 AZN) tələb olunur və ailəni saxlamağa vəsait qalmır", - deyə sözügedən mənbə etiraz edib. 

Bundan başqa yayın isti dövründə evdən gətirilən yeməyin saxlanması üçün düşmən hərbi hissələrində müvafiq şərait yoxdur. Ermənistan müdafiə nazirliyi məsələyə münasibət bildirərkən qeyd edib ki, müqaviləli hərbi qulluqçular hər ay ərzaq əvəzi 10 min dram (35 AZN) əlavə ödəniş alırlar. 

Hərbi qulluqçular qeyd olunan məbləğin ərzaq təminatı üçün kifayət etmədiyini, bundan başqa indiyədək heç bir əlavə ödəniş almadıqlarını qeyd ediblər. 

Ermənistan müdafiə nazirliyinin mətbuat katibi Artsrun Hovhannisyan, hərbi qulluqçuların hərbi hissənin hesabına qidalandırılmasının daxili qərar olduğunu, amma bundan sonra tətbiq edilməyəcəyini bildirib.
Baxış sayı: 50