Qaratəhlə kəndində ağırlaşdırıcı şəraitdə qəsdən adam öldürməkdə təqsirli bilinən iki nəfər 20-20 il müddətinə azadlıqdan mərhum edilib
26 Aprel 2024
211
Rustavi Şəhər Məhkəməsi prokurorluğun təqdim etdiyi sübutları tam qəbul edərək Qardabani bələdiyyəsində ağırlaşdırıcı şəraitdə qəsdən adam öldürməkdə təqsirləndirilən iki nəfəri 20-20 il müddətinə azadlıqdan məhrum edib.
Prokurorluq bununla bağlı məlumat yayıb.
Məhkəmə prosesində sübuta yetirilib ki, 2023-cü ilin avqust ayında Qardabani bələdiyyəsinin Qaratəhlə kəndində təqsirləndirilən şəxslər qisas məqsədi ilə qrup halında xüsusi amansızlıqla zərərçəkmişə çoxsaylı bədən xəsarətləri yetiriblər. Zərərçəkmiş aldığı xəsarətlər nəticəsində dünyasını dəyişib.
Prokurorluq hər iki şəxsə qarşı Gürcüstan Cinayət Məcəlləsinin 109-cu maddəsinin “i” və “m” yarımbəndləri ilə (xüsusi amansızlıqla, xüsusi amansızlıqla qəsdən adam öldürmə) ittiham irəli sürüb. Məhkəmə onların hər ikisini irəli sürülən ittihamlar üzrə tam təqsirli bilib.